जुआन अर्तिज सन् २०२२ को अन्त्यदेखि ब्राजिलमा डायलग अर्थको सम्पादकीय सहायकको रूपमा काम गर्दै आएका छन् । उनी ब्राजिलको रियो दी जेनेरियो शहरमा बस्छन्। उनीसँग मानव अधिकार, विज्ञान, स्वास्थ्य, वातावरणीय मुद्दा र ल्याटिन अमेरिकी राजनीतिबारे रिपोर्टिङ गरेको अनुभव छ। डायलग अर्थमा आबद्ध हुनुअघि, जुआनले सुपरइन्टेरेसेन्ट, भेजासाउड, इन्टरसेप्ट ब्रासिल, माटिनल र ((ओ)इकोसँग जस्ता ब्राजिलका विभिन्न समाचार सँस्थाहरूमा काम गरेका थिए। उनी गिरो ल्याटिनोका सम्पादक पनि हुन् । गिरो ल्याटिनो ल्याटिन अमेरिकी केन्द्रित साप्ताहिक समाचारपत्र हो। ब्राजिलमा हुर्केको कोलम्बियाली नागरिकको रूपमा, जुआन स्पेनिश, पोर्चुगाली र अंग्रेजी बोल्छन्। उनले फेडरल युनिभर्सिटी अफ रियो ग्रान्डे डो सुलबाट पत्रकारिता अध्ययन गरेका छन् ।
